日本藝術家Masayoshi Matsumoto親身示範，只要你願意吹、認真吹，氣球都可以變出無限可能，分分鐘，成個動物園都可以擺係你面前。

Matsumoto貨真價實地純用汽球創作出多個動物，無出茅招用膠紙，或者用marker幫動物點晴，老老實實地用雙手設計多個動物汽球，亦非平時街頭表演所見，籠統地將幾個不同色彩的汽球摺埋一齊就了事，純粹外形有啲啲似，但神態上絕對唔傳神。

Matsumoto最把炮之處，就係佢嘅精細度，盡量參考真實動物身型比例，及配色方面亦肯定花咗唔少心思，例如紅鶴的長咀及翅膀都跟到好足，不過，最有印象係Matsumoto對於每種動物的眼神處理，各有不同，海馬就呆呆滯滯，恐龍就勁兇狠，金魚就眼碌碌，這點亦是他作品過人之處。