改編自迪士尼同名經典動畫嘅《白雪公主》真人版電影，今日公開全新預告，展示更多全新畫面，包括七位小矮人清晰容貌，王后變身成老婆婆，而原創男主角「Jonathan」亦正式登場，預計明年3月正式上映。

從預告可見，電影逐一還原原作經典橋段，從王后問魔鏡世上邊個最靚，再到白雪躲進森林並遇上七位小矮人，最後仲可以見到王后化身成老婆婆，向白雪遞上毒蘋果。飾演白雪嘅Rachel Zegler亦在片中大展歌喉，唱咗幾句全新原創歌曲《Waiting on a Wish》。值得一提嘅係，由於呢部《白雪公主》係冇白馬王子，所以白雪遇到嗰個男人係一位名為Jonathan嘅原創角色。

真人版《白雪公主》由《500 Days of Summer（心跳500天）》導演Marc Webb執導，《Lady Bird（不得鳥小姐）》編劇Greta Gerwig及Erin Cressida Wilson共同撰寫劇本，《La La Land（星聲夢裡人）》製作人Marc Platt擔任監製。而演員陣容方面，Rachel Zegler扮演白雪公主、Gal Gadot扮演王后、Andrew Burnap扮演原創男主角Jonathan。