{ SKIP }
文:MenClub 魏文青  
POSTED ON 04 Dec 2024

過去一段時間都同大家分享咗唔少身材火爆、舉止煽情嘅寫真女星,大家會唔會覺得有啲「滯」,需要為眼睛清清腸胃呢?我自己就覺得要嘅!所以今晚轉轉口味,同大家介紹清純得黎非常健康,但又不失睇頭嘅櫻坂46成員「田村保乃」!

現年26歲嘅「田村保乃」,於19歲時參加「坂道系列」(即係乃木坂46、櫻坂46、日向坂46及吉本坂46嘅統稱)嘅共同徵選入圍,並於同年被分派至櫻坂46正式出道。2021年時佢推出首本個人寫真集《一歩目》,並於當中首次拍攝水著寫真,結果寫真集於發售首週就大賣5.6萬本,連續兩週登上銷售榜首位,最終成為該年寫真集銷售榜上嘅第四名。可見佢嘅寫真集有幾吸引。

坦白講,對於一眾「老司機」而言,「田村保乃」除咗身高有163cm之外,身材方面並不突出,寫真尺度就算與其他女團成員寫真相比亦算係保守。而寫真集之所以咁好賣,好可能係因為「田村保乃」有一種性感得黎又不失健康清純嘅氣質。事實上佢從小就熱愛排球,讀書時除咗係校隊成員,更曾憑運動成績被保送入學。出道後佢亦經常參加排球相關嘅節目,甚至連日本女排名將木村沙織都驚訝於佢對排球嘅知識。

而今年夏天時,「田村保乃」推出第二本寫真集《隣の席になりたい》,同樣創下發售首週賣出3萬本嘅好成績。如果大家睇完呢篇文而對佢有興趣,不妨都入手好好欣賞。

IG:tamurahono_oshi

唔知大家有冇發現,標榜健康嘅嘢,通常都唔好食;而好食嘅嘢,通常都唔太健康。但咁又唔代表「健康嘅嘢」就一定滿足唔到大家最基本嘅欲望喎,例如「健康身材」咁講,其實都可以令人幾滿足架!唔信你睇下呢位「城間菜 ...
girls
【深夜】健康Body美少女 寫真新星「城間菜々美」
15 Jan 2025
正如黃百鳴唔係!係MC張天賦話齋,「下定決心 回復單身都不覺荒涼」,分手雖然傷心,但有時對雙方黎講都係好事;而如果分手嘅係日本寫真女星「橋本梨菜」呢種級數嘅女神的話,對Fans黎講就更加唔覺得「荒涼」,甚至 ...
girls
【深夜】年中仲話恨嫁「橋本梨菜」分手金牌得主回復單身
13 Jan 2025