{ SKIP }
文:MenClub 艾力克  
POSTED ON 08 Aug 2025

雖然話就話「前事不提」,但現實中選擇長期伴侶時,好多人都會考慮或在意對方擁有過多少性伴侶,用嚟評估對方是否專一、貪唔貪玩、有冇能力維繫一段穩定關係。不過,最近英國一項大型研究發現,其實性伴侶數目並唔係最關鍵,反而「性經歷喺咩時候發生」更加影響擇偶意願。

最近英國史雲斯大學(Swansea University)研究團隊,訪問咗嚟自五大洲、11個國家、約5,000多名參與者,探討性伴侶數目及發生時間點,會點樣影響大家選擇長期伴侶嘅心態。研究團隊向參與者展示咗一啲「性史時間線」圖表(如上圖所示),每條橫線代表一位潛在交往對象,而線上嘅每條打直細線就代表一位性伴侶。雖然每張圖表嘅性伴侶數目一樣,但發生時間各異:有啲集中喺早年、有啲平均分布、有啲就集中喺最近期。然後再詢問參與者,比較願意同邊一種對象建立長期關係。

結果發現,雖然大部分人對性伴侶較多嘅人感到抗拒,但如果對方嘅性經歷集中喺早年,大家會覺得佢已經「安定」落嚟,比較願意同佢建立長期關係。相反,如果性經歷集中在近期,就會覺得佢未玩夠,交往意願自然較低。

大眾文化一直對評價性史有雙重標準,例如男性有多位性伴侶就被認為係風流倜儻、放蕩不羈,相反女性則會被冠上各種貶義詞。但今次研究發現,無論男參與者定女參與者,對性史評價方式都相當一致,打破咗「女性會因性史受到更多批評」呢個刻板印象。而且最令人驚訝嘅係,唔同國家、文化背景嘅受訪者都有相近嘅性史評價方式,即係傾向接受性伴侶較少、性經歷發生在早年嘅人。呢個發現亦為人類擇偶心理提供咗新角度,原來唔止「Body count」,發生時間點都好重要。

資料來源:Sexual partner number and distribution over time affect long-term partner evaluation: evidence from 11 countries across 5 continents
由日本漫畫家土筆章人創作嘅奇幻漫畫《來自深淵》,憑藉畫風可愛但劇情暗黑獵奇嘅強烈反差,成功俘獲大批Fans。繼2022年第二季電視動畫《來自深淵 烈日的黃金鄉》播映完結後,近日官方終於有新消息,宣布將推出一系 ...
hobby
【影視】《來自深淵》宣布推出劇場版動畫系列 第一部「覺醒的神秘」預計2026年正式上映
08 Aug 2025
唔知大家仲記唔記得,Tom Holland喺2017年真人騷節目《Lip Sync Battle》男扮女裝,模仿Rihanna濕身勁跳《Umbrella》呢?佢最近就喺名廚Gordon Ramsay烹飪節目《Scrambled》,一邊整香辣炸雞三文治,一邊大爆當年表 ...
hobby
【影視】Tom Holland爆料男扮女裝勁跳《Umbrella》幕後花絮:對魚網襪其實係我嫲嫲嘅
07 Aug 2025