Jyo John Mullor擁有十年以上平面設計經驗，曾經與Hyundai、Nissan、Haagen Dazs等等大牌子合作過。最近，大師又有新動向，搵嚟幾位光頭型男做模特兒，先為佢哋嘅頭部除卻眼耳口鼻外拍個大特寫，然後再將張頭形圖案，根據佢哋最原本嘅頭部狀態，複製係頭盔之上，望落好鬼真。

呢個「人頭頭盔」真實咁反映該名光頭型男嘅頭部實況，連啲油潤感、毛孔分佈都完全一致，就連個耳仔有都印埋上去，有無戴耳環都整埋上去，講真，到時頭盔唔見咗，或者俾人偷咗，都好易搵得番，因為同自己個頭對照一下，就知個頭盔一定係自己，話晒頭盔都要成千蚊個，被人偷咗都肉痛啦！呢個天生嘅防盜功能，的確唔錯！

不過，呢個「人頭頭盔」計劃，暫時未有計劃正式大量生產，若然落實生產嘅話，你又有無興趣整返個先？但麻煩你先要去剃光個頭，你又制唔制先？