每次講親囡囡，都見到一眾巴打表示︰「首先你要……」究竟溝女對香港男士而言係咪真係咁難？這些機會真係不是屬於你的？停一停，諗一諗，豬扒都可以變Dream Girl，毒男又點解唔可以有人吼先？

老老竇竇，男人揀女睇樣睇身材，女人反之亦然。有冇諗過點解「豬扒」都可以仔仔一個接一個？因為脫光以後，佢都仲有嘢睇嘛！肥嘅咪睇胸，瘦嘅咪睇腰同腿囉！但當你個人肥柒毒時，真係赤裸裸都冇嘢益街坊！

通常畀人覺得你柒同毒，都係因為你打扮出事，但如果你夠大隻，淨係著背心，甚至唔著，都已經夠晒Charm，使鬼理Fashion咩？同大胸女一樣，肯露肉就是王道，只要你有肌可曬，使怕啲女嫌你著衫又柒又毒？至於肥呢樣嘢，有心就唔怕肥，就同大家介紹吓有咩快速減肥嘅運動啦！

雖然唔少人都會跑步減肥，但如果跑嘅速度太快，就會將有氧運動變成無氧運動，脂肪燃燒嘅比率都會少咗。另外外國有研究指出，以減肥為目標的話，其實快走仲好過跑步，只要快走30分鐘左右，脂肪就會開始燃燒，比起激烈嘅無氧運動，更容易達到變瘦嘅效果。

平板支撐係近年最流行嘅運動動作，人人都話勁Work勁有效，唔少囡囡都會練埋一份。不過可能因為呢個動作靜止喺度唔郁幾分鐘，睇落冇難度，又唔會爆汗，所以被男士歸類為「廢拉柴懶人運動」，但叫佢正正經經做運動又要嫌攰，結果就不了了之。但其實平板支撐除咗可以消脂，最重要係可以有效塑身，幫你鍛煉腹橫肌、腹直肌、腹外斜肌、腹內斜肌、腿部、背部、臀部等等，乜鬼人魚線呀、朱古力呀即刻出返嚟呀！

嗱！呢篇擺到明係廣告嚟，不過又拍片又搵料畀晒Tips你哋，仲講埋一堆大道理，都算有誠意丫！一於平時做下運動，再靠儀器幫自己Keep住個Hot Body，溝女咪易好多囉～