來自奧地利的男士護膚哲學 : 不應改變生活習慣

文：MenClub Raphael　　圖：MenClub
POSTED ON 02 Dec 2016

記唔記得大家細個嘅時候，日常係用咩產品護膚? 唔講我都知，清水呀嘛！簡簡單單洗個面，梳洗一吓，唔駛10分鐘就出門口；生活可以咁簡單，純粹因為大家嗰陣夠年輕，一、你無咁著重細節，二、皮膚狀態較好，自我修復得快，但年紀漸長，捱咗十幾年OT之後，你再照一照鏡，發現原來無護膚保養，真係可以殘好多。

大家放心，我唔係Sell緊咩神仙水、精華液，男士們其實做好基本步驟，已經好足夠。Istvan Laszloffy，奧地利男士護膚品牌SA.AL & Co.嘅創辦人，先前同MenClub分享自己嘅日常護膚程序，一樣好簡單，梳洗、刷牙、剃鬚，搽埋鬚後保濕、噴香汗劑，出門都係10分鐘左右。唔改變男士嘅生活習慣，反而用產品去配合原有生活係SA.AL & Co.嘅男士護膚哲學，而且好多男士日理萬機，秒秒鐘幾百萬上落，講真，護膚產品愈簡單愈好。

SA.AL & Co.嗰5枝產品，簡直係男士護膚嘅懶人包。Istvan將啲產品Mark好哂編號，從011至051你跟住嚟用就得，想補貨嗰陣，都係記住個編號就得。

011. Hair & Body Wash—結合溫和糖表面活性劑同活性成份，加埋澳洲堅果油、白樺樹汁、小麥蛋白以更新皮膚，維持保濕水平。

021. Shaving Crème—天然椰子糖有效軟化面部鬍鬚，乳霜嘅豐盈感和黏度可提升剃鬚的潤滑效果。蘆薈、澳洲堅果油、乳木果油、可可油有助紓緩鬚後皮膚。

031. Light Moisturizer & After Shave Balm—以蘆薈、乳木果油、可可油、澳洲堅果油、白樺樹汁為皮膚保濕，紓緩濕剃時造成嘅微細傷口，鬚後感覺清爽，保濕效果更佳。

041. Intense Moisturizer—混和蘆薈、乳木果油、可可油、葵花子油嘅額外養份，滋潤但唔油膩，呵護非常Dry爆皮膚最好用。

051. Deodorant—結合金縷梅、鼠尾草、薰衣草抗菌同消炎特性，造出溫和、強效同可靠嘅除臭配方。

奧地利男士護膚品牌SA.AL & Co.創辦人 — Istvan Laszloffy

Istvan強調大家了解產品嘅成份，因為SA.AL & Co.最值錢嘅地方係使用100%純天然原料，並不含任何基因改造成份。佢嘅品牌之另一哲學，就係照顧Conscious Men嘅需要；你可能問，個個男人都生勾勾架啦，唔通Walking Dead先叫無Conscious? 據Istvan所講，Conscious Men係指男士會開始留意自己嘅身邊事物，希望更了解自己使用嘅產品、享用緊嘅食物等等。

近年嘅男士們，尤其係香港嘅巴打，對身邊事的確愈嚟愈上心；尤其我地會擔心飲緊嘅水係咪鉛水，著緊件衫會唔會縫咗隻奇怪嘢入去，尤其護膚呢啲日日用，又直接搽上塊面度嘅，真係要份外小心。不過Istvan就好有信心同大家講，佢所有產品都係用全素天然原料，並配合阿爾卑斯冰川水，Conscious用家可以唔駛擔心。

COMMENT