{ SKIP }
文:MenClub 魏文青  圖:互聯網
POSTED ON 11 Aug 2014

喺香港地,只要你年滿十八歲,有張成人身份證,在社會上就能夠稱之為「成人」。但喺世界各地唔同嘅地域與文化中,其實有各式各樣的「成人禮」,例如加拿大洛基地區的印弟安少年要在成年禮上面生吞一條蜥蝪、秘魯男孩就要跳崖。而在巴西境內的亞馬遜森林流域有個叫「 Sateré-Mawé」的部落,佢地嘅成年禮就簡單啲,戴住對手套比蟻針就得啦。



對唔住,我講漏左少少嘢:第一,你唔係戴住隻手套再去比蟻針,而係張隻手伸入一對放滿蟻嘅手套入面比蟻針、第二,唔係比一兩隻蟻針一兩嘢,而係比過百隻蟻針10至20分鐘、第三,嗰啲唔係普通蟻,而係體長可超過2.5cm,以咬人劇痛出名的「子彈蟻」(Bullet Ants)。


根據專門量度各種昆蟲螫人的痛楚程度的「施密特螫傷疼痛量表」(Schmidt Sting Pain Index),比紅火蟻咬一嘢嘅痛楚程度大概係「1.2」,比黃蜂針就去到「2.X」,而比子彈蟻針一下的疼痛程度是「4+」,為整個量表的最高等級。在量表上對這級疼痛的描述是這樣的:「純淨、激烈、精彩的痛,就如有一根三吋長的生銹鐵釘插入你的腳跟再在燃燒中的火炭上行走一樣」(Bullet ant: Pure, intense, brilliant pain. Like fire-walking over flaming charcoal with a 3-inch rusty nail in your heel)。嘩,真係聽到都興奮!


「 Sateré-Mawé」的青年只要年滿12歲就會就會開始參加這項儀式。族人會以天然鎮靜劑令子彈蟻失去意識,再將它們「織」入用樹葉製成的手套。當子彈蟻回復清醒後,少年便會張雙手放入手套比蟻針,並且堅持10分鐘。由於子彈蟻所分泌的毒素,事後少年的手掌和部份手臂會暫時癱瘓,而且會不受控制地抖動。若然你成功捱得過而又冇喊,或者表現出任何疼痛與恐懼,恭喜你,距離完成整個儀式又近左一步--因為一共要做廿次先算完成!


「 Sateré-Mawé」族人相信只要完成整個儀式,就代表你能戰勝「痛楚」甚至是「恐懼」。他們亦相信子彈蟻的毒液能夠增強對黃熱病、瘧疾和其他由蚊所傳播的疾病的抵抗力。拒絕或者不能通過儀式會令個人與家族的聲譽蒙羞。

講左咁耐,究竟比子彈蟻針有幾痛?外國有個Youtuber就親身試左...兩秒...睇哂成段片我真係覺得香港係個好地方呀!





從1985年《超級瑪利奧兄弟》到近年嘅《超級瑪利奧 奧德賽》,三十多年嚟,瑪利奧(Mario)一次又一次不顧自身安危,奮不顧身咁去拯救被綁架嘅碧姬(Peach)公主,而碧姬亦多次以甜蜜嘅親吻(只鍚面珠墩)回報瑪利奧 ...
hobby
【電玩】任天堂官方證實瑪利奧與碧姬公主只是「好朋友」
25 Jul 2025
最近荷里活性感女神Sydney Sweeney與知名服裝品牌American Eagle(AEO)合作,為品牌宣傳今年秋季推出嘅牛仔服飾系列。結果消息一出,AEO股價一度大漲12%。 American Eagle最近公布全新宣傳企劃「Sydn ...
hobby
【影視】Sydney Sweeney為American Eagle拍攝性感廣告 刺激公司股價一度大漲12%
25 Jul 2025