{ SKIP }
文:傑克  圖:互聯網
POSTED ON 22 Mar 2018
香港地物價有升無跌,莫講話買樓,想話食個快餐,都由二三十年前的十幾廿蚊,變成今日的五六十蚊,但人工升幅卻遠比物價升幅小!面對困境,節流幫極有限,最佳做法仍是想方法開源,正職以外開拓多一條收入渠道!
  
先將正職做好
有心開拓副業是正確想法,但首先必須確保正職穩定,保持穩定收入,如果正職都做得不好,就心思思想著副業,實在是本末倒置的做法,只會兩頭唔到岸。連正職也做不來,又點可以做好副業呢?
     
想清楚的自己興趣與才能
當正職穩妥,令到上司們滿意自己的工作表現,就可以開始建立副業。首先,認真想想自己的喜好與才能,千萬不要人做甚麼我做甚麼,例如很多人選擇投資買股票來建立第二收入,但如果自問沒有興趣學習與研究,貿然投身股海只會浸死。
      
發展一種有市場的才能
興趣與才能有很多,但要搵方法將之發展成有市場的技能,假設你只喜愛睇戲,可以每晚不眠不休地睇,但又如何幫到搵錢呢?其實可以嘗試寫影評,然後在網絡發表,一日寫一套,一年寫到365套,令自己成為一個專業影評人,就有機會賺到錢了。當然,寫影評寫到賺到錢唔係咁容易,只想借此說明要為自己的才能找一條搵錢出路。
 
向相關人士尋求專業意見
所謂萬事起頭難,有才能都未必有其他人知,如果有長輩、前上司、好朋友等可提供意見,就可改善經營策略,而如果可借用他們的網絡來開展副業,就更加事半功倍。
    
做大做強成為主收入
既然副業才是自己感興趣或才能所在,想必做副業時應該會較正職更有滿足感,做得更開心。既然如此,就要好好把握得來不易的副業,全力拚摶,嘗試將副業變成能夠致富的正職,屆時又搵到錢又開心,唔使再做原來那份正職,又搵得少又唔享受!
  
就到聖誕,就到聖誕,大家開心,玩個痛快,但總有些行業、崗位,紅色假期仍要返工,眼看周圍充滿節日氣氛,有時真係好難集中精神在假期工作。如果老細、上司想員工保持專業,假期工作一樣做到與平日無異,不妨俾少少 ...
powerandmoney
如何讓員工假期時努力工作?
12 Dec 2018
又到聖誕,又到聖誕,調查話香港人平均每年外遊3次,常用旅遊格價網站出事,人人自危,長假期即將來臨,外遊兼睇波的體育迷,絕非少數,如果仍未訂波飛的話,亡羊補牢,為時未晚,睇睇下面的溫馨提示: 門 ...
powerandmoney
【飛前注意】 買平飛要靠自己
11 Dec 2018