{ SKIP }
文:傑克  圖:互聯網
POSTED ON 23 Jan 2019

flirt,調情,是男與女的愛情角力遊戲,有人很享受flirtflirt去,疑幻似真的愛情感覺,亦有人覺得flirt是浪費時間的玩意,既然郎有情妾有意,不如拿拿聲確定雙方關係,談一場不後悔的戀愛。其實,flirt不但是拍拖的前戲,當中仲有好多好處。

獲得情侶的感覺,又不用付拍拖的貴用

對方願意和你flirt,都必定對你有點意思與好感,否則真係啋你都有味啦。即是flirting時,其實已經可以獲得和拍拖相類似的快感與幸福感,但與此同時,flirt緊又代表雙方未確立情侶關係,很多情侶要做的事如相約食飯睇戲等花錢的活動,又唔一定要成日做,就算做又唔一定要男方請,即係flirt時既可以獲得情侶的甜蜜,又唔使因為要拍拖而增加支出,爽呀!

享受一腳踏幾船的快感,又不用負責任

拍拖,理應是一對一的關係,但有邊個男人唔係見一個靚女就想追一個靚女,可以的話,一腳踏幾船都真係好想試下。如果真係夠膽一腳踏幾船,雖可享齊人之福,但開支真係一闊三大,情人節買幾份禮物都夠破產啦。但flirt又唔同,同一時間和幾個女仔flirt真係天經地義,既可以享受和不同類型的女仔調情,又絕不會受到良心責備,梗加唔會話對唔住對方,爽呀!

緬懷年輕調情的感覺,又不怕家庭破裂

塵世間,試問哪個少男不多情,哪個少女不懷春?但上了年紀結了婚生了小朋友,就真係唔使旨意再有機會享受年少輕狂溝女界仔的日子,拋妻棄子、拋夫棄女係真賤人先至做得出。這個時候,如果搵到個flirt腳,大家明知唔會離棄另一半,但又想重拾年輕時識男仔識女仔的日子,互相flirt下安撫下,都咪話唔爽呀!但謹記要知道把尺係邊,唔係flirt過界呀!

人性有很多弱點,如貪心、懶惰、妒忌、驕傲等,都會令人走向失敗。這些顯而易見的弱點,我們都懂得盡力去克服,但有些看似無傷大雅的人性特質,其實也是邁向成功的關鍵,我們卻經常忽略之,這些正是人性的盲點。 ...
powerandmoney
人性四大盲點
22 Jul 2019
點解?點解有些人總是盲目地固執?點解凡事只看到自己預設立場的一面?點解不懂得綜觀全局,立體地看事情?點解從來不會嘗試站在對方的立場想一想?點解自己永遠是對,對方永遠是錯?因為他們都欠缺批判式思維。 ...
powerandmoney
訓練批判思維的方法
19 Jul 2019