{ SKIP }
文:MenClub 玄火  
POSTED ON 19 Nov 2019
忠誠回報!無論你對曼城領隊哥迪奧拿有冇偏見,今次呢一著真是打鑼打鼓拍掌歡呼──為答謝114名前往烏克蘭觀戰的粉絲,成功叫球會為全部人送上VIP波飛,享受皇帝級待遇!
冇擁有過唔叫得放棄,擁有緊就要識得珍惜。話說9月18日歐聯分組賽首循環,曼城作客烏克蘭薩克達,只有114名球迷願意飛4000英里來回,為愛隊加油,見證球隊大勝3:0。見呢班粉絲咁抵錫,又或者估唔到11月中竟然落後榜首利物浦9分,衛冕危危乎,自然要冧吓粉絲。  

哥帥向每人發出親筆信,以示謝意,其中一名球迷Darren就上載了相關內容,大意是「非常感謝當日你與其他113名忠心球迷遠赴烏克蘭為曼城打氣。薩克達是很難纏對手,我們表現出色全取3分,球迷的支持事關重大。我一直認為沒有球迷,球會甚麼都不是。現邀請你出席11月26日主場對薩克達的比賽,享受球會款待。」沒有球迷,球會甚麼也不是,的確很動聽。
藍月在歐聯C組有10分在手,晉級在望,相信這場比賽似慶祝多過打仗,哥帥送114張VIP波飛,價值不菲。感謝信沒有列明送贈項目,但最便宜的每位都要359鎊,600鎊為標準價,最貴的是每人1200鎊。英國天氣已經轉冷,VIP球迷可坐恆溫座椅睇波,在玻璃通道看著球員走出球場,並享用5道菜的高級晚餐。

當中亦有不同選項,不過服務分別不大,主要不同是球迷可嘗試坐在董事包廂的滋味,又或者有獨L喜歡私人座位,獨樂樂睇波。有球迷大讚哥帥此舉窩心,其他勁旅應該仿傚,但也有網民嘲笑藍月粉絲基數太少,歐戰客場作賽竟然只有百多人觀戰,而且在季中仍能送出百多張波飛,證明主場的吸引力好極有限。是耶非耶?每個人心中都有把尺,自己度度吧!
各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023