{ SKIP }
文:MenClub 玄火  
POSTED ON 06 Apr 2020

「你睇個死外賣仔,咁X遲先送到,sorry都唔識講!」3月21日,朗拿甸奴在獄中度過生日,小編亦在自己的生日展開「步兵」生涯,秘撈幫補家計,未夠一個星期就在觀塘某工業大廈遇到說這句的客人。以前,人們標籤送外賣是低端職業,但今時唔同往日,只要肯捱食腦識走位,收入絕對唔低,尤其是武肺期間人人留在屋企,送餐需求急升,短期內不失為自救出路。

送外賣唔係咁簡單,因為香港人好難服侍,必須有受氣的心理準備,困難是有地址唔清唔楚、個客突然玩失蹤、餐廳搞錯食物等,總之怪事包羅萬有。不過,搵食艱難,呢個時勢一齊秘撈的打工仔,數目唔少,除了普通白領、退休人士之外,都聽行家講遇過專業人士,因工作壓力太大,想借機出來吸口新鮮空氣。講的當然是瘟疫爆發之前。

簡單來說,送外賣是自僱人士,但仍需要上網填表、聽talk,就算唔識路都唔緊要,只要在手機打開google map,就可以搵到路,步兵一般選擇住家或公司附近地點,送得多就熟路。其次,你係唔需要返公司打卡報到,時間任你揀,相對自由。第三,部份公司接受現金付款,最重要是小心假鈔,同埋袋穩啲「公款」。最後,每張單平均都有30蚊以上,具體收入以視乎地區同公司而定,全職搵到月薪20k以上唔係難事,總之肯定餓你唔死,最多攰死。

「我係外賣仔呀,我嚟送外賣架,我真係外賣仔嚟...」《喜劇之王》唔經唔覺超過20年,尹天仇表面上是外賣仔,實際上是個演員。有名人講過,外賣生意興起以及愈來愈多人送外賣,只是社會倒退的跡象,實情未必如此。我就諗到強國龍頭的美團點評,點解睇落公司會蝕,依然要做外賣App。

美團3月底公佈全年業績,成功轉虧為盈,錄得22.36億元人民幣純利,每股基本盈利0.39元,但已預告今年首季肯定蝕入肉。這公司有三大板塊,分別是「餐飲外賣」、「到店、酒店及旅遊」、「新業務及其他」各佔157億、64億、61億元,就咁睇會以為外賣是王牌,查實利潤微薄,毛利率不足18%, 反觀到店業務毛利率接近89%,賺到56億元人仔,亦即他們同尹天仇係殊途同歸。

美團藉外賣吸到4.5億忠誠用戶,再提供酒店和旅遊等預訂服務搵真銀,如今旅遊業正值寒凍,就算外賣生意增急幾倍,最終都是於事無補。「到店」業務具有顛覆性,如付款預訂某餐廳,只要肯拿出一點服務費或購買指定套餐,便任揀時段入座,享有VIP服務等,並同樣適用在美容、健身、卡拉OK、心理諮詢等各方面。

社會不斷轉型,傳統工廠吸納到低技術勞工愈來愈少,就算美團沒有上述的服務,實際上也如同順豐速傳遞員一樣,為基層提供多勞多得的出路。數字顯示內地約有800萬個外賣仔,比香港總人口還要多,2019年平均收入為7750人仔,高於大學畢業生。重點是,一線城市的外賣仔,月入過萬元是平常事,當然他們的角色更多,包括會為客人買飛、排隊、購物甚至帶狗出街。

各位千禧世代(80及90後)嘅網友又認唔認同?
powerandmoney
【美國調查】千禧世代認為年薪超過400萬港元才能「感到快樂」
23 Nov 2023
作為日本最大遊戲、主機開發商,任天堂素來都係日本年輕人最想加入嘅企業之一,而從其最新公佈嘅數字黎睇,任天堂內部似乎都真係一個「天堂」,事關其新入職社員嘅離職率僅低至1.2%,絕大部份人入到去就唔願走! ...
powerandmoney
【電玩】任天堂真係天堂?員工三年離職率僅1.2% 大幅拋離其他日企
15 Sep 2023