一位由60年代香港經歷制水就同香港打氣唱到而家的老人歌神許冠傑（Sam），經歷過香港的高高低低，將會於今個星期日舉行首場網上免費演唱會，為香港人為醫護打氣，仲會捐錢畀早前被通利琴行解散的音響工程部失業員工。相信呢種「香港」精神我地呢班打工仔已經命運相連無分顏色界限，歌神好野！這60年香港得到又失去好多，依然還有粵語流行音樂歌神許冠傑，大唱廣東歌。

歌神Sam許冠傑特別捐錢畀被通利琴行解散的音響工程部失業員工，因為佢係香港舉行過的200場演唱會，全部紅館個唱都係由通利琴行工程部包辦燈光音響設置，佢原定今年7月將舉紅館個唱都係搵返通利。不過受疫情影響，演唱會押後，連通利琴行工程團隊都不幸全部被解雇成為失業大軍。於是，許冠傑先生私下先捐出25萬元畀哂這批員工，助被炒的前音樂會戰友解決燃眉之急。

而歌神許冠傑決定係星期日（4月12日）下午5時舉辦《2020許冠傑同舟共濟Online Concert》，所有收益將不扣除成本，全數平均捐給相關人士。演唱會將於鄭丹瑞主持的《健康‧旦》facebook和YouTube等平台直播，並計劃開放整個演出版權讓全球電視台和媒體免費同步播出，目的係為醫護及香港人打氣。

相信唔駛多講，呢刻只能講「服」字，也只有許冠傑同佢的廣東歌最能夠與香港同舟共濟 。

《同舟共濟》
作詞：許冠傑
作曲：許冠傑

我與你同坐這條船，無情浪把它猛捲，滿天風雨，
視野未能見，亂作一大團，不知怎算。
既決意留在這條船，齊齊令它不遭破損，困境挑戰，
奮勇地面對，令到這條船，永不翻轉。

香港是我心，一顆不變心，實在極不願，移民外國做二等公民，
必須抱著信心，把基礎打穩，盡力地做我本份，定能突破戰勝黑暗。

破鏡明日定會重圓，時局定必得好轉，懷著希冀，
再創造時勢，令到這條船，永久溫暖。

香港是我心，一顆不變心，實在極不願，移民外國做二等公民，
必須抱著信心，把基礎打穩，盡力地做我本份，定能突破戰勝黑暗。
香港是我家，怎捨得失去它，實在極不願，移民外國做遞菜斟茶，
緊緊抱著結他，傾出這心裏話，但藉著這番話，齊齊共發洩一下，
但願日後獅子山下，人人團結，永不分化。