Tesla CEO日前接受《Automotives News》嘅Podcast訪問，被問到Tesla股價今年累升240%，終於被視為「正統」汽車製造廠商嘅感想，而佢就話係秒訣係「咪鬼整Powerpoint啦，整好你啲Product啦！」

圖片：Wikipedia

Elon Musk認為根本就唔值得去「管理投資者預期」，因為講到尾只要你整到好嘅產品、間公司又健康，啲投資者就會開心；相反你啲產品唔好，你點管理啲投資者都係唔會開心。所以佢向其他企業家作出建議，「唔好花咁多時間整啲咩市場報告，將啲時間拎去整好啲產品。講真商學院第一樣應該係教呢個囉！」

圖片：Wikipedia

另外由於中國已成Tesla最大市場，主持人亦問Elon Musk對於中國於電動車市場主導位置嘅睇法。而Elon Musk就直指「China Rocks」，又盛讚中國有好多「聰明、勤力嘅人」，相反美國人就係「自以為是」，特別係洛杉磯及紐約人。