要數當今桌球界出手最快嘅球員，相信一定會提到「火箭」奧蘇利雲，以及泰國「快槍手」Thepchaiya Un-Nooh。如果當呢兩名球手碰面，情況又會點呢? 

2013年「火箭」與「快槍手」就曾經對上，當時「火箭」有點意外以4:5不敵對方，而比賽嘅速度如外界預計真係快到無影。而今次，雙方嘅對決速度亦都極快，「快槍手」平均出Que時間為18.6秒，而「火箭」則達到13.4秒！！

Credit: Getty Images

今場世錦實首圈比賽，「火箭」面對Un-Nooh基本上進入無敵狀態，後者毫無還手之力，呢位泰國球手僅於第7局藉住「火箭」明顯失誤而取得一局，最終第一日比賽「火箭」以8:1大幅領先，佢只需要再取兩局就可以晉身次圈，相信已經十拿九穩了。