疫情之下旅遊業幾乎停滯，為減低成本唔單止本港航空公司要裁員，就連日本最大嘅航空公司ANA (全日空) 亦會裁員。不過沒有對比，沒有傷害，睇到ANA裁員安排，真係令人覺得係一間好公司。

圖片：Wikipedia

據日本傳媒報導，ANA航空嘅母公司ANA控股集團將會於星期二宣佈裁員計劃，而主要嘅裁員手段將會係吸引現職人員退休 (即係俗稱嘅肥雞餐) 、及凍結新員工入職，簡單啲黎講就係透過自然流失令員工數目減少3500人。特別要留意ANA控股旗下除咗ANA航空，仲有Vanilla航空、Air Japan、ANA Wings、兩間貨運公司、地勤公司及ANA Crowne Plaza Hotel等，加埋總共有超過46000人，亦即裁減人員不足10%。

另外ANA控股亦會減持持有嘅客機，例如波音777會減少30部、波音737就減幾部。

圖片：Wikipedia

ANA控股預計會於聽日公佈詳情，據報裁員方案中包括向Toyata等公司提出要求，希望佢哋能夠接收部份ANA員工調職。對比起某因航…真係…唉。