近期最熱門嘅話題，相信必定係Whatsapp出賣用家資訊比Facebook，因此全球用家決定大遷徙，紛紛轉用Signal或Telegram。預計Whatsapp今次應該會受到重創，甚至從此一蹶不振。

今次Signal能夠成為全球力追嘅目標，其中一個主要原因係早前成為全球首富嘅Tesla老細Elon Musk喺社交平台建議大眾使用呢款加密通訊軟件。有大佬加持，Signal日前嘅股價大幅飆升超過100倍！不過講個事實你知，Signal係未上市的，咁即係點呀? 即係有一大班人買錯左股票囉！

據消息指，因住Signal熱潮一班投資者「擺烏龍」投資咗一間叫做Signal Advance嘅醫療設備公司，其股價三日入面由原先每股0.6美元，急升至高位70.85美元，股價最高升超過1180%，市值從大約5,500萬美元急至超過30億美元，實在係非常誇張。

對於咁嘅情況，呢間Signal Advance醫療設備公司亦出面澄清，表示自己同通訊軟件Signal完全無關係，即使係咁佢哋嘅股價亦未見大幅跌，真係再一次證明改啱名嘅重要！