英國皇室家庭成員哈里與太太梅根接受美國名咀Oprah訪問的節目日前播出，梅根於節目中指責英國皇室歧視其黑人血統，並因而差別待遇佢哋嘅小朋友Archie，結果引發英女皇發佈字字珠璣的回應、英國名咀Piers Morgan離開ITV等一連串事件。而哈里王子嘅親生哥哥、民望極高又娶到個好老婆嘅威廉王子昨日亦開腔回應事件。

威廉王子與王妃凱蒂日前出席倫敦一間學校的活動，期間就被問到對於哈里與梅根指責嘅回應，威廉王子就講咗一句「我們不是一個種族歧視的家庭 (We are very much not a racist family)」，算係正面否認哈里與梅根嘅指控，亦呼應英女皇公告中的名句「…recollections may vary… (大家的記憶可能有所出入)」。

另外威廉王子亦被問到有冇同細佬哈里溝通過，威廉王子同樣簡短回答：「我仲未同佢講過嘢，但我打算會。」咁當然就冇講到明會同佢個好細佬講啲咩，相信都係同英女皇公告所講一樣，「will be addressed by the family privately (私底下拆掂佢)」啦。