現時影視串流平台Netflix帳號最多可以4個裝置同時使用，唔少人為咗慳錢都會同朋友一齊Share帳號。不過最近Netflix有意打擊共享行為，要求用戶登入時輸入手機或電郵驗證碼，以驗證帳號持有人身份。

疫情促使近年Netflix訂閱人數節節上升。

據BBC報導，Netflix正測試新措施，要求用戶要透過手機及電郵驗證先可以登入帳戶，打擊N人共享帳號行為。更有唔少外國用戶表示收到Netflix通知「如果你不是與帳戶擁有者同住，則需要使用個人帳號觀看」。經小弟實測，現時香港版Netflix並未有相關限制，但未知日後會唔會全面封鎖共享行為。

（圖片截至：Netflix使用條款）

事實上，Netflix使用條款有清晰例明帳號唔可以「分享予您家庭成員以外的人士」，只係過往「隻眼開、隻眼閉」任由大家用「N人共享大法」，今次打算揸正嚟做確實出師有名，不過用戶點睇就係另一回事。