隨住烏克蘭被俄羅斯入侵，世界嘅焦點都集中於呢個東歐國家之上，而其中絕大部份人目光又聚焦於烏克蘭總統澤連斯基身上。呢位2019年先當選總統嘅前喜劇演員，憑其個人魅力於國內穩定民眾、領導烏克蘭人民反抗；於外交上爭取西方國家資源協助、人民同情、爭取加大制裁俄羅斯以至普京本人嘅力度，甚至火速簽署加入歐盟 (俄羅斯入侵的原因之一就係唔想烏克蘭加入歐盟)，攸盡一個國家領導人該做及能做嘅事。

在 Instagram 查看這則貼文

Володимир Зеленський（@zelenskiy_official）分享的貼文

現年44歲嘅澤連斯基，在1978年出生於當時仲屬於蘇聯領土嘅現烏克蘭東部城市「Kryvyi Rih」嘅一個猶太家庭，爸爸係基輔國立經濟大學嘅教授，媽媽亦係一個工程師，細個仲跟爸爸去過蒙古住咗四年，連小學一年級都係喺蒙古讀。回到烏克蘭後澤連斯基繼續升學，原本16歲時就打算去以色列留學，但經父母勸說後留喺烏克蘭，並入讀爸爸工作嘅基輔國立經濟大學修讀法律，並順利完成學位。但佢後來坦言其實一啲都唔鍾意法律，所以除咗兩個月實習之外，佢就冇做過法律相關工作。

在 Instagram 查看這則貼文

Володимир Зеленський（@zelenskiy_official）分享的貼文

學生時期嘅澤連斯基就開始接觸喜劇及舞台劇，19歲時與志同道合嘅朋友成立喜劇團隊「95街區」(名字係來自中學地址)，並開始製作節目，而且節目經常帶有政治諷刺性。特別要注意嘅係，澤連斯基真係一個當紅嘅藝人，佢自編自導過幾部電影，2006參加烏克蘭版《Dancing With the Stars》拎到冠軍，仲幫兩部《Paddington》電影嘅烏克蘭版配過主角Paddington把聲。

但真正令佢爆紅，甚至將佢推上總統之位嘅，就係佢團隊製作嘅電視劇《人民公僕》。澤連斯基於劇中飾演一名歷史老師，因被拍下大肆嘲諷烏克蘭歷代總統再放上網而爆紅，結果仲參選總統兼勝出。執政後又大力治貪、拒絕官商勾結，結果成為觀眾中嘅「理想總統」。劇集播出後大受觀迎，第一季收視率超過10%。2019年總統選舉，澤連斯基挾電視劇 (選舉前播出第三季) 嘅人氣參選，結果以73%得票率勝出，刷新烏克蘭總統選舉嘅得票紀錄。

在 Instagram 查看這則貼文

Володимир Зеленський（@zelenskiy_official）分享的貼文

執政後嘅澤連斯基力主「烏克蘭獨立自主」，並要求俄羅斯交還烏克蘭東部領土，又解散國會重新選舉、要求前總統時期內閭成員下台。2021年澤連斯基簽署奪回烏克蘭東部頓巴斯地區嘅命令，與俄羅斯衝突不斷升級，到今年一月時美國等西方國家開始警告俄羅斯會入侵烏克蘭，澤連斯基雖然一開始否認有關推測，但自2月中烏俄軍事衝突升級後就一直爭取西方國家緩助，2月24日俄羅斯正式入侵後亦一直堅守烏克蘭，甚至拒絕美國將佢秘密接走嘅建議，並向美國指「戰爭已經到來，我要嘅係彈藥，而唔係順風車」。佢亦將烏克蘭保衛國家嘅行動，提升至「為民主及自由對抗俄羅斯」，指目前嘅入侵「並唔係俄羅斯入侵烏克蘭，而係一場針對歐洲、針對歐洲體制、針對民主、基本人權、以及基於和平共存全球秩序嘅戰爭開端。」