快艇核心Kawhi Leonard喺尋日與公鹿嘅比賽中輪休，令球迷未能睇到Leonard大戰「字母哥」嘅精彩鏡頭，同時外界亦都批評快艇輪休Leonard，係對球迷及NBA不負責任嘅行為。

而作為「籃球之神」嘅Michael Jordan，每逢上陣佢都會係場上嘅焦點，所以對方總係會以最高級嘅防守去招呼Jordan，同時Jordan亦都係非常落力去防守，但其生涯15個球季中卻有8個球季全勤打足82場，與現時嘅球員不時進行輪休非常不同。

如今作為黃蜂隊嘅老闆，據消息指佢每年都會同球員講：「你拎緊嘅係82場比賽嘅工資呀！」因此，我地可以知道Jordan係絕對唔同意如今聯盟大多數球隊為左贏總冠軍嘅所謂「負荷管理」。

不過，唔知係咪就係因為Jordan唔支持「負荷管理」，導致球員無論係咪背靠背比賽都傾盡全力，令球隊戰績長期唔達標，自從2015-16球季後都未打入過季後賽。