獨行俠超新星二年生Luka Doncic勁相信唔少人都已經開始體會到，其全能表現、超越其年齡嘅成熟，令佢成為如今聯盟非常突出嘅存在。不過究竟佢有幾勁呢？可能就要睇下佢可以創下咩紀錄啦！而今日，Doncic就成功超越「籃球之神」Michael Jordan創下嘅紀錄，成為NBA歷史第一！

今日與帝王一戰，雖然獨行俠以106:110不敵對手，但Doncic仍然取得27分8助攻7籃板，亦即係話佢成功連續19場比賽取得至少20分5籃板5助攻，超越Michael Jordan於1989-90球季創下嘅連續18場紀錄NBA歷史第一紀錄，從此Doncic將會暫時擁有呢個NBA歷史第一寶座。

不過，如果將紀錄要求再擴大一點，將NBA未與ABA合拼前嘅數據一齊計算，咁樣保持紀錄嘅將會係歷史三雙王「大O」Oscar Robertson。「大O」呢位三雙王過去在未合拼嘅NBA中嘅1964-65、1963-64及1961-62球季分別連續29場、25場及19場取得至少20分5籃板5助攻，因此Doncic目前都只係可以追平「大O」歷史第三好嘅紀錄。

當然，「大O」嘅年代實在太過久遠了，所以對比價值唔算非常大。相反Doncic能夠於效力NBA第二個球季就已經可以創下一個本來由Jordan保持左30年嘅紀錄，可想而知呢位年輕球員有幾恐佈，同時亦都有幾令人期待！