如果要數曼聯球員艾殊利楊格最令人印象深刻嘅一幕，可能唔係佢比賽嘅精彩表現，反而係於2014年一場與史雲斯嘅比賽入面，疑似被雀屎飛入口中，從此成為其生涯經典。不過，日前楊格對此進行澄清，指該條片段曾被修剪過。

2014年曼聯與史雲斯嘅比賽，前者以1:2不敵對手，而楊格於比賽中被一大滴白色液體飛入口中，外界一直判斷該白色液體為雀屎。不過楊格則一直堅持呢一切都只係假新聞。

「從來無發生過！我已經講過好多次呢一切都唔知點樣黎，我有諗過接受訪問時對呢件事進行澄清，但我只係唔想搞大件事。不過情況似乎無好轉，外界好似繼續傳播緊呢件事，甚至我嘅老婆仔女都同我講有雀屎飛入我口中，但事實係從來無發生過！」

對於呢條疑似食雀屎嘅片，楊格亦都毫無頭緒，可能係被人進行修改，又或一切都只係幻覺！不過我就係相信係雀屎了...