尋晚英超榜首大戰，利物浦作客面對  李斯特城，正當唔少人希望李城可以阻止強勢嘅利物浦，呢支歐聯衛冕冠軍卻以一場4:0大勝進一步拉開積分差距，歷史第一次奪得英超冠軍看似指日可等。

雖然今場利記vs李城係一場英超頭兩名嘅大戰，但比賽過程卻完全係一面倒，利物浦全場多達15次射門(6中龍)，相反李城只有3次(0中龍)，而控球率利記亦高達60%，基本上李城係毫無還手之力的。

最終，利記憑住法明奴個人梅開二度，加上占士米拿(12碼)及阿諾各入一球，最終輕取李城4球。而擊敗李城後，利物浦以17勝1和52分高據英超榜首，將與第2名嘅李城分差拉開至13分，兼且利記更打少一場，而與第3名兼比賽場次一樣嘅曼城則有14分差距。

因此，已經基本上完成半程英超之下，利物浦與緊隨其後嘅球隊分差可以話相當大，雖然「波係圓既」，但係利物浦距離奪得球隊歷史首個英超冠軍已經非常接近，更何況目前嘅利物浦狀態大勇，人員充足，其他球隊想逆轉睇黎機會真係微乎其微了。