{ SKIP }
文:MenClub 波特先生  圖:互聯網
POSTED ON 02 Jan 2020

作為香港之光嘅「牛下女車神」李慧詩Sarah,於世界各地舉行嘅場地單車賽戰績彪炳,金牌數目不斷累積,同時深受香港市民愛戴。而踏入2020年第一日,Sarah就行出單車以外嘅第一步,就係重開關閉左嘅Facebook個人專頁!

Sarah作為香港人,曾經於去年10月1日喺FB上面寫:「今日出門小心避雨,沒有雨傘要早點回家。」隨即有唔少市民留言表示支持,同時亦有人對號入座覺得唔岩聽而不滿,其後突然間Sarah嘅FB就關閉消失左。

事隔三個月嘅2020年第一日,Sarah重開個人FB專頁,並發佈一段頗長嘅訊息,其中部份內容如下:「...原諒我關閉專頁三個月,當中涉及許多不同原因,但最大的原因是,我不希望大家互相指罵,尤其是香港人跟香港人間的罵戰,是我最不想看見的...但我不想放棄,不想因為畏懼而退縮。我希望像以前一樣,邊騎邊寫,在專頁把正力量發放給大家...」

可以睇到,Sarah初心只係想發放正能量,但卻被有心人歪曲其言論,導致Sarah相當失望。不過踏入新嘅一年,Sarah決定重新出發,希望自己嘅努力及成績可以為香港人打氣,帶比香港人正能量!作為真香港人嘅你,梗係即刻去支持我地嘅英雄,香港加油!

最近C朗(Cristiano Ronaldo)接受西班牙傳媒訪問時,自信爆棚地表示自己係史上最佳足球員,引起網民熱烈討論。不過,另一位朗拿度「大哨」就唔多同意,表示C朗雖然係歷史上前十球員之一,但同第一名仲有好大距離, ...
sports
【足球】C朗自稱歷史上最佳足球員 大哨:不同意,但他確實是足球史上Top10
27 Feb 2025
對於唔少外國觀眾黎講,成龍就係代表中國嘅國際場動作巨星;但對於香港人黎講,除咗演藝事業之外,成龍嘅「代言魔咒」亦相當有名。而近日外國媒體亦開始報導呢個「成龍魔咒」,原因係佢日前現身澳網男女單決賽,而無 ...
sports
【澳網】「東方神秘力量」入侵澳網 男女單決賽輸家都同成龍握過手
28 Jan 2025