作為香港之光嘅「牛下女車神」李慧詩Sarah，於世界各地舉行嘅場地單車賽戰績彪炳，金牌數目不斷累積，同時深受香港市民愛戴。而踏入2020年第一日，Sarah就行出單車以外嘅第一步，就係重開關閉左嘅Facebook個人專頁！

Sarah作為香港人，曾經於去年10月1日喺FB上面寫：「今日出門小心避雨，沒有雨傘要早點回家。」隨即有唔少市民留言表示支持，同時亦有人對號入座覺得唔岩聽而不滿，其後突然間Sarah嘅FB就關閉消失左。

事隔三個月嘅2020年第一日，Sarah重開個人FB專頁，並發佈一段頗長嘅訊息，其中部份內容如下：「...原諒我關閉專頁三個月，當中涉及許多不同原因，但最大的原因是，我不希望大家互相指罵，尤其是香港人跟香港人間的罵戰，是我最不想看見的...但我不想放棄，不想因為畏懼而退縮。我希望像以前一樣，邊騎邊寫，在專頁把正力量發放給大家...」

可以睇到，Sarah初心只係想發放正能量，但卻被有心人歪曲其言論，導致Sarah相當失望。不過踏入新嘅一年，Sarah決定重新出發，希望自己嘅努力及成績可以為香港人打氣，帶比香港人正能量！作為真香港人嘅你，梗係即刻去支持我地嘅英雄，香港加油！