「呂布」伊巴謙莫域完成美職聯兩個賽季後，再次重返四大聯賽，加盟7年前效力過嘅AC米蘭，但今次佢唔再著11號，而係著起21號。

現年38歲嘅伊巴謙，雖然已經係老將，但其個人能力及魅力仍然非常強勁，而佢喺美職期間上陣56場攻入52球亦足以說明其入球能力仍然係頂級的。

對於今次重返米蘭號碼換成21號，伊巴謙就表示自己將可以選擇嘅號碼比大兒子睇，然後佢就揀左21呢個號碼，就係咁。而重返米蘭後嘅目標，伊巴謙就希望自己可以幫到球隊及球會，並會盡力改善目前嘅情況，要知道目前米蘭戰績僅為6勝3和8負，排名意甲第11位。

伊巴謙過去曾效力多支球隊，其中喺2010年加盟米蘭至2012年結束，期間佢上陣左85場攻入56球，成功帶領球隊奪得2011-12球季嘅意甲冠軍及2011年嘅意大利超級盃冠軍，其中2011-12嘅意甲冠軍已經係米蘭最後一次拎到嘅聯賽冠軍，所以今次再次招攬伊巴謙相信唔係要佢帶隊拎冠軍，但起碼都要整頓球隊士氣，而佢嘅霸氣有望可以做到。