賽跑比賽一般都係跑手向終點進發，當超過終點一刻就係比賽完結之時。如果一個比賽無終點，而係個終點一路追住你，你又幻唔幻想到係點呢？

唔使幻想啦，今年5月3日舉行嘅Wings for Life World Run就係一個前面無終點，後面個終點一路追住你嘅比賽。只要你熱愛跑步，就可以同全球多個城市、超過10萬名跑手一齊參加。今次賽事報名費將全數撥捐Wings for Life脊髓損傷研究基金會，亦即係話你係為不能跑嘅人而跑的！

今次Wings for Life World Run已經黎到第七屆，全球將有11個城市一齊開跑，參賽者開跑後30分鐘，大會就會有一架終結者號汽車Catcher Car以每小時14公里嘅速度開始追捕參加者，其後每小時時速將會增加1公里。而開賽後3小時，Catcher Car就會每小時時速增加4公里，直至所有選手都被追上，比賽才會完結。

如果你係以10公里為目標，並以每公里7分12秒嘅速度去跑，終結者號要1小時12分後先會追到你。假如你希望完成半馬距離，只要你跑步均速達到5分25秒一公里，終結者號就要1小時54分先追得上。想知道自己幾時會被終結者號追上，你可用以下連結計算：

https://www.wingsforlifeworldrun.com/en/goal-calculator

Wings for Life World Run將於5月3日世界標準時間上午11點 (香港及澳門時間晚上7 點、 日本時間晚上8點)起步。今年打算到海外參加跑步比賽兼旅遊嘅朋友，可以考慮參加於日本新潟縣南魚沼市舉行、亞洲唯一嘅實體賽事，報名費只需港幣287元， 欲知更多活動詳情，請瀏覽https://www.wingsforlifeworldrun.com/en/locations/japan

至於香港將會一如以往舉行APP Run，參加者可於手機下載應用程式Wings for Life World Run APP，並開啟GPS系統，其後你無論置身任何地點都可參與賽事，更多消息會於其後公佈。