{ SKIP }
文:MenClub 玄火  
POSTED ON 10 Feb 2020

雖然唔少香港公司設有生日假,但唔係個個打工仔敢在正日放,怕連累同事,又怕翌日返工文件層層疊,最怕係上司對你印象變差。同人唔同命,巴西球星尼馬(Neymar)每逢生日都放假,就連妹妹生日都要放假,世事實在太多巧合了。

法國《隊報》公佈今季法甲薪酬榜,唔使問阿貴,大財主巴黎聖日耳門壟斷頭11位,第12位才見到摩納哥的Wissam Ben Yedder,高過前阿仙奴中場Cesc Fabregas。2017年夏天,尼馬由巴塞隆拿轉投PSG,以1.98億鎊打破世界轉會費紀錄,目前無人能破,其月薪達到260萬鎊,換成周薪即為60萬鎊,就算來到香港也能一個星期輕鬆上車,兼且可以一炮過。

人工最接近尼馬的是「新亨利」Kylian Mbappe,周薪為37.5萬鎊(月薪160萬鎊),其他隊友都只有前者的一半或以下。其他球隊方面,馬賽孖寶Kevin Strootman和Dimitri Payet月薪為42.4萬鎊,里昂壞孩子Memphis Depay每月賺35.5萬鎊。球壇就係咁,有人覺得你值錢就得,養一個尼馬,已等於Julian Draxler+Marco Verratti+Edinson Cavani,值唔值真係見仁見智。

在 Instagram 查看這則貼文

ene10ta Érre ???????? ???? neymarjr(@neymarjr)分享的貼文 張貼

受傷都要開派對

大「滾」友尼馬在2月5日年滿28日(係呀咁快就28歲),特別在大勝蒙彼利埃5:0後,提早3日舉行盛大生日P,邀請了多名隊友及娛樂圈名人出席,dress code規定人人要穿到白衣天使咁款,真係純到一個點。問題是,周中仲有比賽對南特,比賽之間舉行派對狂歡,免難影響狀態,兼且在歐洲球壇也甚罕見,但這位巴西天王就是我行我素。



「係會心散,不過,對南特時,他因傷缺陣,不會列入比賽名單。」唔知教練Tuchel有無份為王牌護航,總之尼馬就連續3年生日都缺陣,真係平時「射」波又唔見咁鬼準。又,如果將會因傷缺陣,點解派對上又可以生蝦咁跳,仲猴擒到對住32歲巴西歌手Maraísa又攪又錫?睇嚟呢種傷正常人係睇唔出。更耐人尋味是,尼馬已經連續5季在3月11日前後的比賽缺陣,而3月11日又是他妹妹牛一,好難怪球迷諗多咗。唔知佢今年又會再請「家屬生日假」嗎?

有趣的是,原來尼馬同C朗、前曼聯射手Carlos Tevez、羅馬尼亞球王Gheorghe Hagi同前英格蘭領隊Sven-Goran Eriksson都是同一天生日...喂,有冇星座小王子出來解釋一下,點解咁多球星同日出世,又點解佢哋性格差咁遠呢?

一個日本人竟被話係中國人....
sports
【離晒譜】尼馬竟辱罵「中國人是狗屎」,有機會停賽10場!
23 Sep 2020
可惜未能見證美斯離開巴塞....
sports
【2億歐元】曼城真向巴塞出價收購美斯!
09 Sep 2020