目前武漢肺炎肆虐全球，唔少地方都對爆發疫情嘅中國避之則吉，甚至見到中國人都要調頭走。不過有時候真係唔係你想避就避得到，就好似特意飛到西班牙進行集訓嘅曼聯。

Warming up for another training session! #MUFC pic.twitter.com/Xos07JDy9V

— Manchester United (@ManUtd) February 12, 2020

據消息指，曼聯日前特意飛到西班牙馬拉加進行訓練，並安排球員入住威史甸拉昆塔高爾夫水療渡假酒店，殊不知出發前球會發現原來中超球隊大連人亦都身處馬拉加訓練，同時住喺該間酒店。曼聯得知後隨即安排球員更換酒店。

曼聯為球員更換入住嘅酒店，明顯就係擔心黎自中國嘅大連人球隊有武漢肺炎，要知道武漢肺炎嘅傳染性極高，亦都有長達14-24日嘅潛伏期，所以住埋同一間酒店風險將會極高。

不過有啲野真係避唔到，就係曼聯中場馬迪竟然於空閒時間約見大連人隊嘅好友咸錫、Darko Matic等人，大家仲要攬頭攬頸，完全無視惹上武漢肺炎嘅危險。如果大連人當中真係有球員已經中左武漢肺炎嘅話，相信曼聯全隊都真係凶多吉少了。