青梅竹馬就一定要娶/嫁？男人唔娶，通常會背負污名；女人唔嫁，只會獲贈「值得更好」。在26歲生日前夕，英格蘭一號門將Jordan Pickford，正式與初戀女友Megan Davison註冊，睇個樣都知係老襯樣，祝你好運！

愛華頓門神Pickford日前在兒子Arlo和5名親友見證下，與青梅竹馬的Megan簽紙結婚，預期今年5月補擺喜酒，實行在歐洲國家盃前沖喜一下。兩個人名副其實由細玩到大，同一間學校讀書，拍拖時男的16歲，女的14歲，當時有冇「衰十一」睇怕只有天知地知，總之，兒子是在去年出世，多年來非常安全。

不過，除了大量祝福之外，不少球迷開始擔心Pickford的事業會進一步走下坡。嫁個有錢人是女人的夢想，呢位年少成名的英格蘭土炮門神，周薪為10萬鎊，但Megan的大使程度比起國家隊Wags成員有過之而無不及，甚至令人覺得炫富、揮霍。擁有龍躉下盤和進化「膠樣」，她經常在IG大晒名牌手袋，包括3000鎊的Chanel、1500鎊的LV等，連一對布鞋都價值700鎊，絕對是「高調做人」的表表者。

Megan畢業前，男友已是英超球星，即使順利完成3年大學，修讀幼兒管理，畢業後也無正式打工，似乎不務正業。除了奢侈品之外，她與網民分享最多的，就是閒閒地每晚近1000鎊的酒店，比方說，2018年世界盃後與Pickford去加勒比海度假，所住別墅每晚2500鎊，住了一星期已等於普通人半年人工。更甚的是，她手上所載的求婚戒指，鑽石達4.5卡，售價50萬鎊，夠我們在香港買上車盤。

毫無疑問，兩口子在兒子出生前，早已衣食無憂，Pickford出入駕駛的是林寶堅尼，價值16萬鎊，一家住在210萬鎊的黃金地段豪宅，5間睡房、天店以及私人影院等。2016年，Megan花了1000鎊購買了一頭寵物狗，然後再打扮到唔似狗，估計造型支出不少於500鎊。2017年，兩人曾為了前往倫敦觀看拳擊比賽，乘搭每次1萬鎊的私人飛機。

大花筒只是其次，愛晒命先衰，兼且又沒有正式工作，Megan選擇先簽紙後擺酒，看來都有其他考慮。老實講，Pickford近兩季水準下滑，今季更有唔少甩轆場面，唔通係婚前恐懼，想悔婚又唔敢？去年12月在酒吧，他飲大兩杯，即時上身，跳上枱亂舞一番，仲被拍片放上網，醜到無朋友，睇得出壓力真係好大。

你睇C朗揀老婆，寧願唔要名模，選個素人，就知成功男人背後都有個出色的女人。巴打，咁就一世，揀老婆前真係要同勤洗手一樣，諗多幾次先好決定呀！