{ SKIP }
文:MenClub 玄火  
POSTED ON 16 Mar 2020

武肺肆虐,唔係裁員就放no pay leave,一個老闆有冇良心馬上現形,有人連遣散費都唔畀就人間蒸發,古天樂的酒樓堅持唔裁員仲肯放有薪假,真係人間有愛。原來NBA都有「疫流而上」的例子,唔使問阿貴,又係獨行俠老闆Mark Cuban,而足球界的代表,當然係新酒店大亨C朗!

隨著首例確診,NBA即時叫停一個月,兼且未排除取消2019/20球季,首當其衝的不是球星,而是手停口停的基層員工。身家達39億美元的Cuban最早宣佈,會向全體員工繼續出糧,甚至包括免費早、午餐,盡可能保障基層的生活。獨行俠的「保底」計劃暫定包括未來6個主場比賽日,獲益的包括保安、停車場員工、票務員和客戶服務等,至於之後會如何發展,恐怕要等待聯盟進一步確認球季的走向。

Cuban平時雖然嘴多多,但作為NBA的好老闆,人所共知,單是睇佢點樣照顧老將Dirk Nowitzki,已可見一斑。查實,呢位富商曾豪花4000萬美元為獨行俠購買專機,不求回報,只想仆心仆命的球員好好休息。其次,他翻新球隊的更衣室,也涉及350萬美元,並建造了價值7000萬美元的訓練場,又為球員配備全職廚師團隊、心理醫生等,愛籃球、更愛手下,實在難得。

年過60的Cuban是絕種好老闆,惟在NBA有錢又大方的班主寥寥無幾,否則Kevin Love、Giannis Antetokounmpo和Blake Griffin等球星唔使捐錢給主場員工,解決燃眉之急。值得一提,今季狀元Zion Williamson初到貴境,盡見人美心善,大膽地承諾全包未來一個月的主場兼職員工份糧,證明良知同資歷無關,願意承擔的後生仔大有人在。

溫馨提示,根據NBA勞資協議,球員們因任何原因錯過每一場比賽,包括因為流行疫情,老闆有權扣減92.6分之1的薪酬。「92.6分之1」的計算方式是5場表演賽、82場常規賽和平均5.6場季後賽,以大帝LeBron James為例,洛杉磯湖人大可節省900萬美元。最新消息指,目前各隊老闆未有計劃「揸正嚟做」,即會照舊支薪,等候聯盟作出最後定案,而發展聯盟所牽涉的金額不大,幾可肯定就算腰斬全季,也會得到100%「回贈」。

做得打工仔,邊個唔想為良心老闆打工,一齊共度時艱,但你估個個都有良心咩?意乙榜首賓尼雲圖的班主講到明,一旦無法升班,未收咧都會撤資。然而作為未來商界巨匠,目前仍在家鄉自我隔離的葡萄牙巨星C朗,日前就作出驚天動地的決策,索性把兩間位於國內的旗下酒店,臨時改為抗疫中心(是否符合隔離規格則屬後話),寧願唔做生意,仲要調轉頭補貼醫護的所有開支,難怪感動全國,被讚為「民間總統」。好人一路平安!

今季英超前途未卜,榜首利物浦震騰騰,分分鐘要同首座英超冠軍含淚說再見,但原來在英國球壇內,有隊波已肯定比他們慘得多多聲,慘慘豬呀!
sports
玄火 - 呢隊波肯肯定慘過利物浦
01 Apr 2020
生意不景氣,企業最常做的就是裁員和減薪,但是賺到印印腳時,員工未必獲得加薪或派花紅。當年環球經濟大蕭條,「經營之神」松下幸之助保住手足,一個都沒有炒,卻能扭轉頹勢,帶領Panasonic(松下集團)衝出亞洲,值 ...
sports
玄火 - 富豪球星拒減薪算唔算自私?
31 Mar 2020