{ SKIP }
文:MenClub 魏文青  
POSTED ON 18 Mar 2020

唔知香港有幾多人對「美國四大球」之一嘅美式足球大聯盟(NFL)有興趣,而我就係早年睇完《衝鋒21》,再喺Youtube上睇到NFL嘅精華,自此每個星期都會籥返官方嘅比賽Highlight。雖然球齡唔長,但如果你問我NFL中最重要嘅球員係邊個,我都識答你係新英倫愛國者嘅傳奇四分衛Tom Brady,但近日呢位公認嘅「GOAT (Greatest of All Time)」就宣佈離隊。

Tom Brady自2000年選秀會上以第199名被新英倫愛國者選上,效力球隊20年間出賽曾帶領球隊9次打入超級碗,嬴過6次,其中4次佢仲係超級碗MVP、亦曾經得到3次常規賽MVP,只要佢正選上陣,球隊勝率高達77%,而且即使近年已經四字頭,依然能夠保持高水準,仲要係One Life One Club,可想而知佢喺球圈地位有幾高。但對上一個球季未能打入超級碗之後,Tom Brady於昨日在Twitter上發表長文宣佈離隊,並多謝球隊多年來嘅合作。

實際上最近兩季大家都非常關心Tom Brady嘅未來,畢竟42歲對於NFL黎講已經相當大,事實上佢亦係2019年賽季中年紀第二大嘅球員,上賽季Fans們已經喺場邊舉起「Tommy Stays」嘅橫額。而宣佈離隊後不足一日,ESPN報導連續12年未能打入季後賽嘅坦帕灣海盜(Tempa Bay Bucaneers)成功羅致Tom Brady,目前正等待官方公佈,相信會吸引唔少球迷留意佢哋來季嘅表現——如果疫情到9月真係緩和到開到季嘅話。

今季英超前途未卜,榜首利物浦震騰騰,分分鐘要同首座英超冠軍含淚說再見,但原來在英國球壇內,有隊波已肯定比他們慘得多多聲,慘慘豬呀!
sports
玄火 - 呢隊波肯肯定慘過利物浦
01 Apr 2020
生意不景氣,企業最常做的就是裁員和減薪,但是賺到印印腳時,員工未必獲得加薪或派花紅。當年環球經濟大蕭條,「經營之神」松下幸之助保住手足,一個都沒有炒,卻能扭轉頹勢,帶領Panasonic(松下集團)衝出亞洲,值 ...
sports
玄火 - 富豪球星拒減薪算唔算自私?
31 Mar 2020