{ SKIP }
文:MenClub 波特先生  圖:互聯網
POSTED ON 25 Mar 2020

講到NBA最任性嘅球隊老闆,你可能會覺得係獨行俠嘅Mark Cuban,但計我話如今應該係快艇老闆Steve Ballmer先真。正所謂有錢就任性,作為全NBA最有錢嘅球隊老闆,Ballmer身家坐擁超過500億美元,試問佢可以點樣唔任性呢?

作為洛杉磯城市中第二支NBA球隊,快艇過去一向都被湖人騎住,但近年湖人戰績倒退,加上快艇戰績、球員質素提升,再加埋Ballmer嘅入主及投放資源,令快艇變得越來越強,今季更成功羅致上季帶速龍隊奪冠及奪得FMVP嘅Kawhi Leonard及Paul George,令快艇成為奪冠嘅大熱門之一。

不過快艇仍然存在一個重要問題,其中湖人射手Danny Green近期就講過:「季後賽快艇遇上湖人,湖人將擁有7場主場之利。」無錯,快艇嘅大問題就係要與湖人共用同一個主場,而基本上就算快艇身為主場,但面對湖人嘅時候就如同作客一樣。

因此,Ballmer其實一直想購買一座場館供快艇作為主場之用,而近日佢終於成功落實收購位於洛杉磯英格爾伍德嘅大西岸論壇場館(The Forum),一座原本係屬於紐約人老闆James Dolan嘅場館。

Ballmer今次收購The Forum一共花費左4億美元,並有傳係以現金方式進行收購的,要知道8年前James Dolam收購場館嘅時候只係用左2000多萬美元,加上之後對其進行裝修亦僅花上7500萬美元,亦即係話8年時間Dolan購上了3億美元。

不過對於Ballmer來說,4億美元僅僅佔其身家0.8%,更何況呢類型場館可以保值,所以Ballmer絕對係覺得花呢舊錢的,所以未來快艇應該好快會擁有屬於自己嘅場館,唔使再睇湖人面色做人了。

費達拿可否不要老....
sports
【可否不要老】費達拿:「退役一天已經越黎越近...」
13 Jul 2020
「呂布」果然名不虛傳!
sports
【反勝祖記】伊巴謙放話:「我早黎嘅話冠軍無你祖記份。」
08 Jul 2020