{ SKIP }
文:MenClub 波特先生  圖:互聯網
POSTED ON 28 Apr 2020

「籃球之神」Michael Jordan嘅紀錄片《The Last Dance》自從播放以來旋即成為熱話,收視人數破晒紀錄,令人再次燃點起對Jordan嘅熱愛。

而被譽為最接近Jordan嘅Kobe,於今年因直升機失事不幸離世,因此自從《The Last Dance》面世後不少人都討論希望盡快推出Kobe的紀錄片,以懷念呢位傳奇的一生。

另外,有睇《The Last Dance》嘅朋友應該都可以發現Kobe於片中有出現,據指拍攝當日大約喺直升機失事前一星期,因此該鏡頭算得上係非常珍貴。

其實,早於《The Last Dance》前Kobe已經有一部生涯紀錄片《Muse》,不過該片片長只有1小時23分鐘,與《The Last Dance》十集的規模相距甚遠,亦難以詳盡描繪Kobe傳奇的一生。

當然Kobe已經離開世界,要想再拍更多片段放進全新嘅紀錄片已經無可能,不過幸好喺2015-16 Kobe生涯最後一季,因為巡迥式嘅告別所以有專業級嘅攝製隊全程跟蹤拍攝,內容絕對夠多,但仍需要時間編輯及剪接,另外亦需要Kobe遺孀Vanessa首肯。

Michael Jordan於2003年正式退役,在相隔17年後其詳盡嘅紀錄片先正式播出,唔知今次Kobe嘅紀錄片可否以於更短時間製作好並順利播出呢?作為球迷真係急不及待呢!

由於武漢肺炎持續關係,NBA自有球員於3月確診後,便隨即停擺今日,實際幾時可以真正重開仍是未知之數,但相信重開之日已經越來越近,而NBA官方亦已經做足準備,隨時Ready。 據最新消息指,NBA官方已經與迪 ...
sports
【樂園之戰】NBA基本落實於奧蘭多迪士尼重開!
05 Jun 2020
碧咸真係人見人愛!
sports
【萬人迷】加利仔對碧咸的第一印象: 我愛死他!
03 Jun 2020