{ SKIP }
文:MenClub 波特先生  圖:互聯網
POSTED ON 14 Oct 2020

現年只有19歲嘅巴西新星洛迪高高斯,雖然喺皇馬並未完全坐穩正選,但就已經準備上位,皇馬亦非常看重呢位年輕翼鋒。由於位置上及成長過程與尼馬及羅賓奴非常相似,所以外界都稱呼佢為「新尼馬」或「新羅賓奴」,不過對於呢啲稱呼洛迪高就唔多鍾意。

Credit: Getty Images

洛迪高出身自巴西球隊山度士青訓,與前輩尼馬及羅賓奴一樣,及後再轉戰皇馬,與昔日尼馬轉投巴塞或羅賓奴轉投皇馬接近,所以外界一直叫洛迪高做「新尼馬」或「新羅賓奴」。

不過洛迪高就唔多Likey,佢只係想譜寫屬於自己嘅故事,反觀尼馬及羅賓奴已經有佢地自己嘅故事,而佢自己先啱啱開始。同時洛迪高覺得呢個世界上只有一個尼馬、只有一個羅賓奴,而佢一直努力擺脫外界呢種比較,全力做自己。

講真,比人叫自己做「新尼馬」都真係會幾唔開心,除非洛迪高已經學識尼馬嘅絕技 - 草上滾,否則真係唔好叫佢做「新尼馬」。

巴塞班高層後悔未??
sports
【大大力掌摑】蘇亞雷斯加盟馬體會後表現出色,巴塞後悔了? ... ...
20 Oct 2020
竟然會同Puma簽約?!
sports
【狀元大熱?】Puma宣佈簽下「球弟」LaMelo Ball
19 Oct 2020