相信唔使我多講，大家應該都知道中國與印度交惡中，雙方邊境勢成水火，關係緊張。而印度方面亦因此抵製中國商品，其中羽毛球器材係其中之一。

由於全球90%以上嘅羽毛球都係黎自中國製造，而製造羽毛球嘅原材料鵝毛亦大部份要由中國入口，因此抵製中國商品嘅印度本來要面臨羽毛球荒嘅尷尬局面。但正所謂狗急跳牆，又或者去到絕境嘅時候總會引爆小宇宙，印度今次就成功爆發小宇宙。

作為英聯邦運動會羽毛球獎牌得獎者嘅印度球手阿南德，近日正式推出印度本土羽毛球品牌「Transform」，除左會推出羽毛球牌之外，更重要嘅係會推出自家羽毛球。呢款印度自家羽毛球，只係花左Transofrm幾個月時間就成功研發，甚至將其標榜為「世界上最好嘅羽毛球」。

唔單止推出自家羽毛球品牌唔使靠中國，印度方面亦繼續出招，印羽聯向世界羽聯建議禁止使用鵝毛或鴨毛製嘅羽毛球，藉此希望推廣合成羽毛球，同時打擊中國羽毛球行業，避免佢地繼續獨大。