阿根廷球王馬勒當拿，日前因心臟病發離世，終年60歲。對於呢位曾帶領阿根廷奪得世界盃冠軍嘅天才傳奇，阿根廷政府宣佈為佢哀悼三日，而大量球迷亦於全球進行紀念活動。不過，日前一位西班牙女足球員達佩娜，卻於比賽為馬勒當拿默哀期間，擰住背坐喺地下拒絕進行默哀。

呢位24歲嘅年輕女子球員對於自己嘅行為表示: 「我拒絕為一個強姦犯、戀童癖者以及施虐者默哀一分鐘。對於較早前國際消除對女性使用暴力日，並未有為受害者默哀，我並唔願意留呢一分鐘比一名施虐者，而唔留畀受害者。」

Female Footballer Refuses to Observe Maradona Minute of Silence
Read More: https://t.co/QZdXOTEOhJ#SEENews #Maradona

— Sada El-Balad English (@SeeNewsEGY) November 30, 2020

對於馬勒當年在足球上所取我嘅成就，達佩娜還是肯定的，並承認前者創造了歷史，其個人擁有世界級嘅天賦及水平。不過對於其為人，達佩娜卻不予致評。

An absolute genius ... pic.twitter.com/tXocvFg6ss

— Sourav Ganguly (@SGanguly99) November 30, 2020

馬勒當拿在球場上曾經光茫四射，但場下生活卻非常混亂，基本上黃賭毒樣樣齊，佢亦曾經公開承認自己22歲就已經染上毒癮，無論喺球隊更衣室、酒吧、朋友家中都會吸毒，並曾經差啲就因吸毒過量誘發心臟病，差啲就再早啲無命；佢又曾經與多名女性有一手，甚至誕下私生子，而近年又與一位比自己年輕30歲嘅女子拍拖，風流成性。

所以，該女子球員拒絕為向馬勒當拿默哀嘅行為，是可以理解的，只可以講呢位傳奇真係天使與魔鬼嘅混合體，最終令佢在場下放任自己，斷送自己嘅健康及生命。