NCAA四強，Gonzaga大學喺最後幾秒被UCLA追平，但憑住今年NBA選秀狀元大熱Jalen Suggs嘅壓哨三分球成功絕殺對手，殺入決賽。

殺入決賽，Gonzaga大學嘅對手係名不見經傳嘅Baylor大學，後者絕對係今屆賽事嘅黑馬。而勢估唔到嘅係，呢隻黑馬真係成功挑落Gonzaga大學，令Suggs呢位狀元大熱飲恨收場。

其實睇番今年決賽之前嘅賽事，Gonzaga大學可以話係絕對一支獨秀，一路走來以戰績31勝0負打入決賽，係NCAA自1979年以來第一支做到嘅球隊。相反Baylor大學就「只有」27勝2負，所以合理推斷都以為Gonzaga應該可以擊敗呢支黑馬。不過正所謂波係圓嘅，Baylor大學三位核心球員於決定中表現極為出色，最終以86:70大勝Gonzaga大學。

同時，今次奪冠亦係Baylor大學115年以來第一次奪冠，絕對係校史嘅歷史時刻！