由去年延期至今年6月舉行嘅美洲國家盃，每一位參加者應該都需要注射左疫苗先可以參加，而要注射嘅將會係我哋偉大祖國最強嘅科興疫苗。

據消息指，美洲盃大會獲得中國提供5萬劑科興疫苗，對此大會感到無比興奮及高興，然後佢哋決定每位參加者及工作人員都必須注射，以保障每個人嘅安全。而另外亦有指，美斯因此向中國送上3件簽名波衫作答謝，應該呀，5萬劑喎大佬。

今屆美洲盃將由阿根廷及哥倫比亞聯合舉辦，而參加嘅球員預計有美斯、蘇亞雷斯、尼馬、卡雲尼等巨星，唔知佢哋又願唔願意注射呢? 比著我就實注射嘅，係人都知我哋祖國呢隻疫苗係幾咁高效架啦，真係可能一針之後連第二針都唔使再打架啦！