日前一場UFC冠軍賽備受矚目，最終賽前冠軍中國選手張偉麗被美籍立陶宛裔選手「暴徒玫瑰」Rose Namajunas 78秒KO，失掉冠軍腰帶，令唔少人大跌眼鏡。呢個結果當然有人興奮，亦有人大呼小叫為張偉麗唔抵，唔知你又點睇呢?

賽後有唔少人質疑張偉麗嘅賽力，連部份中國網民亦叫呢位前冠軍唔好再掉人現眼，但確實之前21連勝以及冠軍嘅榮譽係事實，所以唔可以完全抹殺佢嘅實力，只係今次確實技不如人，失去冠軍係必須接受嘅現實。

不過就有唔少人替張偉麗唔抵，話只係裁判太快終止比賽，因為張偉麗自己亦都話自己當時仲有意識。但事實上呢位前軍冠被踢中頭部之後，確實失去意識一段時間，只係佢唔知，導致佢隨即被Rose喺地板狂打頭，裁判終止比賽係絕對合理嘅事，除非你好憎張偉麗，如果唔係唔比終止比賽只會導致佢個頭被人打多唔知幾多拳，其中就包括之前以NBA為踏腳石而成功征戰CBA呢個夢想嘅林書豪。

其實之後張偉麗團隊亦同意裁判嘅判決，無再抗議結果，並只聲言會捲土重來搶番條腰帶，亦足以證明裁判無錯。