效力國際米蘭嘅丹麥中場基斯甸艾歷臣，喺歐國盃小組賽第一場就發生突發意外，因而喺比賽期間暈倒，最終逃過死亡被救得番，實在係球迷們樂見的結果。可惜嘅係，佢以後可能唔再可以繼續喺意甲踢波了....

據最新消息指，艾歷臣已經接受心臟起搏器植入手術，完成手術後佢嘅身體狀態良好，而植入心臟起搏器當然就係為左避免佢再次突然暈倒嘅情況。

預計擁有心臟起搏器，艾歷臣已經可以過正常人嘅生活，踢波應該都無問題，就好似阿積士嘅白蘭特就係植入左心臟起搏器，但依然可以繼續上陣踢波。不過，喺意甲卻並不一樣，植入過心臟起搏器嘅球員係禁止上陣的，所以艾歷臣黎緊想繼續職業生涯，就一定要離開岩岩為佢奪得聯賽冠軍嘅國際米蘭。

不過亦有另一說法話，其實艾歷臣當時暈低係因為心肌炎，所以未來拎走心臟起搏器還是有可能的，但究竟幾時就無人知啦。