如果要數英超歷史最硬、攔截最勇悍嘅球員，相信前曼聯隊長堅尼必定係其中之一，不過咁樣諗嘅人就應該唔包括紐卡素傳奇舒利亞。

作為英超曾經嘅最佳射手，舒利亞面對堅尼嘅次數絕對唔少，當然比賽期間堅尼一定會特別關照舒利亞呢位對方嘅進攻核心。

你可能會以為舒利亞一定受過堅尼唔少防守辣招，但點知近日佢受訪開時就表示自己唔會怕佢。

「怕佢? 我做咩要怕堅尼? 佢只係得把聲夠惡，防守起來卻一般。我面對堅尼從來唔會後退，而家我都一樣。」

「我地退役後喺電視圈已經合作多年，中間並無問題，我地相處得好好。」

唔知堅尼睇到舒利亞呢個回應會有咩反應呢?