日前美斯離開效力21年嘅巴塞隆拿（FCB），轉到新東家巴黎聖日耳門（PSG），簽下年薪3,500萬歐元合約，同尼馬、麥巴比組成史上最豪華三叉戟。雖然美斯場都未落，但佢嘅「30號球衣」開賣唔夠一日就被掃得一乾二淨，為球隊創出3,000萬歐元銷售額，充分反映出美斯強大嘅吸金能力。據了解，當中有近6成買家嚟自中國，可見美斯喺中國有唔少支持者。

根據外媒The Sun所講，球衣正式開賣唔夠30分鐘就被搶購一空，目前只係得返童裝，而且仲要Pre-Order，預計9月先出到貨。除咗球衣之外，早前美斯抵達巴黎所著嘅「Ici c'est Paris（這是巴黎）」T-Shirt亦成為搶購對象，有興趣嘅朋友好趁佢仲有得買就快啲入手。

除咗新球衣大賣之外，美斯嘅加盟亦令到球隊社交平台追蹤人數飆升，PSG官方IG幾日內就從1,980萬粉絲升至4020萬（目前更加去到4,594萬）。

在 Instagram 查看這則帖子

Ballers Club ⚽（@ballersclub7）分享的帖子