{ SKIP }
文:MenClub 波特先生  圖:互聯網
POSTED ON 25 Aug 2021

自從美斯離開巴塞加入巴黎聖日耳門後,法甲隨即成為地球上最受關注嘅聯賽,球隊上下都非常高興,唯獨年輕嘅麥巴比除外。呢位目標成為球隊頭號巨星嘅射手,本身隊內已經有尼馬擋住佢,而家再加多個美斯,令佢成為球隊嘅第三選擇。對此,皇馬已經出手1.6億歐元希望將佢收歸旗下,但PSG卻斷然拒絕,所以未來一年麥巴比可能都仲要留喺PSG。

明顯麥巴比已經好想出走,佢表示:「法甲唔係世界上最好嘅聯賽,但我作為一個旗艦級球員,我有責任幫自己效力嘅聯賽成長。而世界上好似我咁樣能勝任鋒線所有位置嘅球員唔多,我每年都改變位置,同時保持高水平表現。我係巨星,當你嘅肖像出現喺世界各地,呢一點係可以肯定的。」

顯然麥巴比對自己信心滿滿,但就同隊友好似唔太親密,佢表示唔會同隊友建立好深厚嘅關係:「呢度係一支球隊,唔係一班朋友。球隊要贏波,唔需要你每晚都同隊友一齊出去食飯的。」

以麥巴比而家呢個態度,佢好明顯已經將自己邊緣化,可能呢一切都係迫使球隊將佢賣走嘅一步。究竟最終佢會唔會留多一年同美斯及尼馬合作,為PSG贏取歐聯冠軍呢? 唔好咁快走住呀,FIFA我都想試下用呢個咁豪華嘅三叉戟。

圖片來源: Getty Images
係真唔係呀?
sports
【世盃外圍賽】日本領隊聽國歌聽到喊!
13 Oct 2021
簽到C朗真係無得輸
sports
【最強效應】C朗帶動曼聯股價節節上升!!
07 Oct 2021