去英國踢波可以話係所有足球員嘅夢想，而唔少香港人亦曾經或正在為呢個夢想而努力，早年有陳肇麒去熱刺試腳，近有戴偉浚曾加盟狼隊U23，而最新就有年僅16歲嘅女將陳頌文 (Karri) 加盟曼城U19。

網上圖片

網上圖片

據報，香港土生土長嘅Karri自四歲就開始踢波，曾於香港阿仙奴足球學校受訓，後來加入公民女子足球隊，曾經於同一年贏得U18聯賽冠軍、自己成為神射手兼MVP；同年協助中學校隊拎埋學界冠軍，自己同樣係神射手兼MVP，實力完全超班。而喺上年更升上甲組成為正選，協助球隊奪冠。

另外Karri亦曾入選香港女足成年代表隊，去年於女子土耳其杯正選上陣。

Karri比賽精華

據知Karri於今年7月隨家人移居英國，之後就去咗曼城試腳成功兼正式加盟其U19女子足球隊。希望佢能夠有好成績啦！