曾經，「籃球之神」Michael Jordan與「天下第二人」Scottie Pippen係球場上嘅最佳拍檔，並合力為公牛隊帶來6次總冠軍，理論上應該係最好嘅兄弟。不過事實上二人關係可能無你想像中咁好，甚至當中已經含有大量不滿。

近日Pippen推出新書「Unguarded」，而在書中呢位Jordan嘅最佳幫手卻對早前播映嘅紀錄片《The Last Dance》表達極度嘅不滿，因為呢輯影片中間就只係不斷提高Jordan嘅地位，或者可以叫做「造神」。

Pippen認為，雖然影片有其個人成長及進入NBA嘅片段，但其實就只有一陣子，好快就再回到Jordan身上，所以佢就認為自己只係Jordan嘅陪襯。基本上每一集嘅影片Jordan都係主角，無論輸贏Jordan都是最好的，唔好嘅嘢就只會係由隊友承膽，但現實Pippen卻不認同。

而最令Pippen不滿嘅係，《The Last Dance》雖然理所當然係圍繞Jordan，但隊友們及其他人都有略書盡綿力，無論係出鏡定係以往打波嘅片段，但最終就只有Jordan一人獲得幾百萬美元嘅報酬，但其他任何一個人獲得嘅都係0，所以Pippen覺得Jordan係非常不尊重他們。