{ SKIP }
文:MenClub 波特先生  圖:互聯網
POSTED ON 13 Dec 2021

2016年,曼聯成功以1億歐元從祖雲達斯收購舊將普巴,而中間推動轉會嘅就係著名經理人拉奧拿,而據消息指拉奧拿從中獲得嘅佣金超過4100萬鎊,所以佢被稱為「吸血鬼」絕對係合理的!

而最新消息指,拉奧拿目前正推動另一轉會,講緊嘅就係21歲嘅夏蘭特。據知曼城著意呢位挪威射手,而夏蘭特自己亦只想加盟曼城,所以前者基本上係志在必得,只係時間及轉會費嘅問題。

作為經理人,拉奧拿已經出面同曼城商談中,據知拉奧拿向曼城要求4700萬鎊佣金,而曼城因為太想得到夏蘭特,所以至今並未拒絕拉奧拿嘅要求,而預計今次嘅轉會費為6800萬鎊。

而夏蘭特個人則向曼城要求年薪需達到2130萬鎊,所以計計埋埋曼城最終可能需要投放2.15億鎊喺夏蘭特嘅轉會當中。一向無限金錢嘅曼城,今次會唔會繼續大方送錢呢?

今季效力多蒙特嘅夏蘭特,至今上陣13場攻入17球,表現高效,係目前最炙手可熱嘅年輕射手之一,所以曼城願意不惜工本都係非常合理的。

尼馬預計即將離隊!
sports
【足球】尼馬將被巴黎趕走,唔知會碌去邊呢?
29 Jun 2022
雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中 ...
sports
【運動】「力王爭霸戰」或成奧運項目 最快2028洛杉磯奧運成真
27 Jun 2022