{ SKIP }
文:MenClub 波特先生  圖:互聯網
POSTED ON 29 Dec 2021

「萬人迷」碧咸(David Beckham)球員時代憑住出色嘅球技及顏值獲得無數嘅代言合同,就算退役後呢個情況亦毫無下跌嘅跡象。不過人始終都會有一日退落黎,就算咸爺都唔例外,但係睇怕佢呢樣都唔使擔心啦,因為相信佢已經迎來自己嘅接班人 - 二仔羅羅密歐。

據最新消息指,碧咸二仔羅密歐近日已經同Puma簽定合約,成為旗下代言人,同時亦都係佢第一份嘅代言合同。

現年19歲嘅羅密歐,目前係作為足球員喺美國第三級別聯賽嘅Fort Lauderdale效力,呢支球隊係美職聯球隊國際邁阿密嘅附屬球隊,而後者班主正正就係羅密歐個老豆碧咸。

其實羅密歐細個曾於阿仙奴青訓進行訓練,但其後佢效棄左足球轉攻網球,但5年後佢又決定回歸足球嘅懷抱。

而今次簽約Puma,有傳羅密歐嘅代言費達到120萬鎊,雖然實力上明顯同當年嘅碧咸有天淵之別,但代言嘅實力可能有機會追得上,咁黎緊佢就梗係會穿起Puma嘅FUTURE Z 1.2波砵參加比賽,咁就睇下會唔會令佢有更出彩嘅表現啦。

話時話你又知唔知碧咸大仔Brooklyn Beckham去左邊? 其實佢並無繼承爸爸嘅足球本業,反而專攻Model,以佢擁有非常接近碧咸嘅顏值,未來會唔會比佢闖出一片天呢?

網紅Jake Paul 及Logan 兄弟近年醉心打拳,更多次於不同賽事與名人、球星、前拳手較量,每次都吸引到大量注金同最重要嘅資金。而Jake Paul今日就宣佈,將於7月20日與前世界重量級拳王Mike Tyson進行表演賽,而且賽事 ...
sports
【網紅】Jake Paul七月擂台戰泰臣 Netflix有得睇
08 Mar 2024
球證應該點樣界定畀黃定藍牌呢?
sports
【足球】傳球壇將引入「藍牌」制度 被罰球員需離場10分鐘
09 Feb 2024