{ SKIP }
文:MenClub 波特先生  圖:互聯網
POSTED ON 02 Jan 2022

上季連季後賽都無機會入嘅公牛隊,今季戰績突飛猛進,目前已經成為東岸戰績第一,比眾星雲集嘅籃網更出色。而公牛隊今季脫胎換骨,其中一個主因相信就係DeMar DeRozan呢位「中投之王」。

現今嘅NBA,基本上由一號位至五號位都一定要識射三分,其中後衛就更加係不可或缺,但DeRozan正正就係一位唔鍾意射三分嘅後衛。雖然係咁,呢位32歲嘅「砍分機器」今季其實亦已經加入三分技能包,只係次數比其他球員少上不少(場均三分命中不足1球),但其場均26.8分排名全聯盟得分第5位足以證明就算無3分都可以繼續係NBA頂級得分手。

而DeRozan真正嘅價值唔單止係得分能力,而係第四節接管比賽嘅能力,原來按統計佢今季喺第四節嘅總得分為241分、平均得分為8分、投籃命中率53.1%(至少150次出手),三項數據都係全聯盟之冠,而三分命中率更達到53.8%,比平時三分命中率37.3%高出16.5%,足以證明其擁有大心臟!

所以,睇番過去兩場比賽,公牛都憑住DeRozan嘅三分球絕殺對手,第一場絕殺溜馬,之後再絕殺巫師,成功帶領球隊收下7連勝,同時DeRozan亦成為NBA歷史第一位連續兩天命中絕殺嘅球員,呢個絕錄嘅困難程度真係可遇不可求,要打破唔係你想就得!

以DeRozan今季嘅生涯最佳表現,公牛隨時有機會成為東岸黑馬,會唔會有機會殺出重圍殺入總決賽,甚至繼6冠之後再次收下總冠軍呢?

Photo Credit: Getty Images

尼馬預計即將離隊!
sports
【足球】尼馬將被巴黎趕走,唔知會碌去邊呢?
29 Jun 2022
雖然話奧運係全球矚目嘅大型運動賽事之一,但喺芸芸眾多奧運項目之中,總有啲係大家冇乜聽過、又冇咩興趣睇。好似「現代五項」咁,佢嗰「五項」究竟係邊五項都唔係人人數得出。不過去到2028年洛杉磯奧運,現代五項中 ...
sports
【運動】「力王爭霸戰」或成奧運項目 最快2028洛杉磯奧運成真
27 Jun 2022