香港網壇近日可以話一時無兩，繼黃澤林於澳網再奪大滿貫青年組雙打冠軍後，另一香港女將王康怡亦繼贏得ITF埃及站女雙亞軍後，再奪女單冠軍，實在係雙喜臨面！

在兩位年輕球手為港爭光下，相信香港網球嘅未來可能會迎來一片光明，而近日黃澤林就成為ASICS大使，為大家介紹佢熱愛嘅網球，希望更多人對網球有更多認識。

而作為一名網球手，除左球技了得之外，裝備亦絕對係不可或缺的。黃澤林按示:「在競爭激烈、爭取成績嘅路途上，每一個運動員都唔想受傷！所以對我來說，一對好嘅網球鞋，非常重要，而個人最喜愛穿嘅款式就是GEL-RESOLUTION 8 !」而講緊嘅GEL-RESOLUTION 8就係ASICS出品嘅網球鞋，其中更有澳網系列配色將於3月推出。

而喺GEL-RESOLUTION 8新配色推出之前，另一澳網系列GEL-GAME 8係專為網球手設計嘅型號，係同系列嘅第八代，與之前嘅系列相比，首先最明顯係鞋身兩側輕微凸出，作用係針對網球手頻繁左右移動嘅特性，在球員橫向移動時提供更高強度支撐。中底TRUSSTIC嘅專利結構，防止足部內旋過度，提高穩定性；而ASICS標誌性GEL緩震膠，為前後腳掌提供全面緩震保護效能，扣殺起來更加得心應手！

另外，多樣性鞋底紋路有助球手有更強抓地力，大底內側更特設2塊圓心旋轉片，令球手在極速奔跑之際更容易轉向，大大減少受傷機會。而鞋身透氣網面比例亦比上一代提高不少，通風亦增加，即使接續練波或比賽都可以讓你保持通爽；鞋面用料同時加入合成皮革及PU膜，透氣得來保持強韌嘅穩定性。